கடவுள் எப்பொழுதும் கூடவே இருக்கிறான் என்று உணர வழி?
ஆழ்ந்த நம்பிக்கை...
அந்த நம்பிக்கை ஏற்பட வழி..?
முதல் வழி...(சொல்லறிவு)
அறிஞர்கள், ஞானிகள் மற்றும்
சான்றோர்களின் கூற்றை மனபூர்வமாக ஏற்று கொள்ளுதல்...
இரண்டாம் வழி...(சுய அறிவு)
மன அமைதியுடன்,
நடுநிலை உணர்வுடன், ஆழ்ந்த சிந்தனையில் புத்தி பல வகைகளில் ஆய்வு செய்து, உண்மை விளங்கும் போது மனம் தெளிவடைந்து... அப்போது ஏற்படுவது...
நம்பிக்கை ஏற்பட்ட பின்...
மனம் செல்ல வேண்டிய பாதையில் சரியாக சென்று, உடல் மற்றும் மன ஆற்றலை பெருக்கி கொள்ளும் பயிற்சியாக...
தொடந்து செய்யப்படும் பிரார்த்தனை முறைகள்...
அந்த பிரார்த்தனைகள்...
மந்திரமாக இருக்கலாம்...
தியானமாக இருக்கலாம்...
கீர்த்தனைகளாக இருக்கலாம்...
மேலும், அனைத்திற்கும் அடிப்படையாக விளங்கும் "அன்பும், அறநெறியும், உண்மையும், சத்தியமும், நியாய தர்மங்களை காக்கும் பண்புகளாகவும்..." இருக்கலாம்.
இவற்றை மாறாமல் கடைபிடித்தால்...
வாழ்வில் தோன்றும் எந்த சங்கடங்களையும் எளிதில் கடக்கலாம்...
என்ன நடத்தாலும்,
எதை இழந்தாலும்,
"ஆத்ம திருப்தியுடன் செய்யும் செயல்களே ஆத்ம பலத்தை தரும்..."
அந்த ஆத்ம பலமே...
எதையும் தாங்கும் சக்தி...
ஆதலால் ...
திடமாக பகவானை வழிபடுவோம்...
அன்பே கடவுள் என போற்றுவோம்...
உறுதியுடன் உண்மையாக இருப்போம்...
இதனால் பெற்றிடுவோம்...
மனஅமைதியையும், அர்த்தமுள்ள வாழ்க்கையையும்.
